0525 - 0526 宇宙船 扭蛋劇場 終於不回來

A: 唔好睇啦，哩啲新聞...

0525 - 0526 宇宙船 扭蛋劇場 終於不回來

A: 唔好睇啦，哩啲新聞，睇咗又唔開心。
B: 我要睇，唔睇只係自欺欺人。

A: 睇咗又點吖？睇咗你又可以做啲咩呀？
B: 我地今日面對嘅種種唔公義，佢一定會轉化成為推動未來自己嘅一種能量。我相信未來係可以改變。今年做唔到，話唔定下年可以！

A: 你咁樣只係折磨自己喳！
B: 但係我會變成更加堅強嘅人囉！
A: 你係勉強緊自己！
B: 喺成長哩條路入面，有邊個唔係勉強緊自己呀？你話我知吖！

B: 我就係要正視哩個世界，正視嗰啲可以歪典事實嘅人！
A: 件事完咗㗎喇！你活在當下啦！
B: 未完呀！比賽係唔會完結㗎！可能你可以放得低，但係我唔可以呀！

B: 無論如何，比賽都會繼續進行。
A: 完咗㗎啦！星期日咪完咗囉！你輸咗㗎喇！
B: 今年係因為我定力同訓練不足先會輸，下年唔會囉！只要我每日繼續睇哩啲唔公義嘅新聞，如果我連面對哩啲新聞都可以無動於衷，下年贏發呆大賽冠軍一定係我！

A: 你可以咩！每日嘅唔公平！你可以冇感覺咩！你仲係唔係香港人！
B: 我係！
A: 咁哩單你又點睇呀！193 follower多過keung B！公平咩！
B: 我……我冇感覺！
A: 講大話！

---